“Babadimri” mbërriti të mërkurën në Kuvendit të Kosovës.
Nëpër postat personale të deputetëve, ai la nga një kartolinë e një pako me çokollatë, raporton Klan Kosova.
Ai doli të jetë kryeministri Albin Kurti, që ndryshe nga paraardhësit sivjet e ëmbëlsoi urimin për ligjvënësit, ani se nderi iu kthye mbrapsht personalisht nga një deputete e opozitës.
Refuzimin e dhuratës, Ganimete Musliu e PDK-së e lidh edhe me dorë shtrëngimin e shefit të qeverisë për kategoritë e dala nga lufta.
Simbolikat e tilla janë në rregull për monitoruesit e ekzekutivit, derisa të njëjtat nuk paguhen nga buxheti i shtetit.
Nga Zyra e Kryeministrit konfirmuan për Klanin se këso dhurata sikur më 2022, u janë dërguar edhe kabinetit qeveritar, e pavarësisht refuzimit, urimi sipas ZKM mbetet i njëjtë – të jetë vit me shëndet e gëzime. /Klankosova.tv
