Këshilli vendor i Shipkovicës po e mban mbledhjen e radhës.
Anëtarët janë ulur, e po e presin kryesuesin, apo i njohur në gjuhën popullore, si kryeplaku.
E në rastin e Shipkovicës, është “kryeplakë”.
Edhe pse është shembull i rrallë në trojet shqiptare, modestia e saj është vetëm një nga shumë atributet që e kanë bërë që të jetë e para e Shipkovicës.
Urdhëro në krye të vendit, aty.
Jo, nuk jam për atë unë.
Ulu, pse jo?
Karrigen ta jap prap, se nuk e du.
Unë as që e dija se çfarë do të bëhet. Profesor Xaki dhe Ismaili, këto dy më thanë se duam ta bëjmë një Këshill vendor për Bashkësinë lokale.
Më tha se duhet të mblidhmë shtatë anëtarë… I thash se do të jem aty, nëse ju dy jeni aty.
Karrigen nuk e ka për qejfi, por fshatin po. Në çdo iniciativë ka qenë e kyçur, por politikën nuk e ka lënë të përzihet, siç është përzier në çdo vendbanim tjetër në vend.
QITABIE KURTI
Kemi pas shoqata të grave, iniciativa. Në çdo iniciativë unë kam marrë pjesë, shyqyr që nuk kam marrë pjesë vetëm në politikë. Nuk jam përzi shumë në politikë.
Politika është politikë, por pleqëria e katundit është pleqëri e katundit. Kur bëhet fjalë për interesin e katundit, partia nuk vjen në shprehje.
Qitabia ka arsye përse nuk e lejon që politika të përzihet kur bëhet fjalë për interesat e fshatit.
QITABIE KURTI
Interesohen vetëm atëherë kur a vota, e japin premtimin dhe nuk e mbajnë.
Problemi më i madh i vërshimeve është edhe proi i cili morri edhe jetë njerëzish. Erdhën, bënë disa fotografi, u zotuan se do të bëhet, thanë edhe në lajme. Isha edhe pak e revoltuar, u thashë edhe shokëve, si thuhet që bëhet pastrimi. E financon si duket Zvicra, i përshëndes ata që kanë marrë këtë iniciativë. Por me këta që thonë në lajme që do të pastrohet, nuk pajtohem! Pasi që pastrimi edhe rregullimi kanë disa dallime. Duhet të merret parasysh që të bëhet shtrati i proçkës që ka mare jetë njerëzish.
Si çdo fshat tjetër, edhe Shipkovica po përballët me problemet e njëjtë, e që është migrimi.
QITABIE KURTI
E keqja më e madhe është se këto 20 vitet e fundit, krejt kanë shku në gyrbet. Papunësia është mbi nivel. Ka mbetur fshati i zbrazët, shkolla ka mbet pa nxënës.
Broshurat e fshatit ishin në tavolinë, as mburrja se janë prej banorët të Shipkovicës nuk mungonte, e me punën e Qitabies ishte i kënaqur i gjithë këshilli.
