Qytetarët kosovarë po vazhdojnë të gjobiten për mosrespektim të masave për parandalimin e përhapjes së COVID-19, masa këto të marra nga institucionet shëndetësore e shtetërore të Kosovës. Vetëm brenda një dite, Policia e Kosovës ka shqiptuar 687 gjoba për ata që nuk respektuan masat antiCOVID-19. Kujtojmë se 57 mijë e 317 qytetarë në Kosovë janë infektuar me COVID-19, ndërsa 1 mijë e 447 persona kanë vdekur shkak i infektimit me këtë virus. Aktualisht në Kosovë janë 5 mijë e 383 raste aktive.
