Zyrat e pritjes dhe Info qendra e EVN – Maqedonisë nuk do të funksionojnë derisa të jenë në fuqi masat e jashtëzakonshme për të parandaluar koronavirusin. Shfrytëzuesit në këtë periudhë do të duhet të përdorin shërbimet online të EVN-së dhe në rast të emergjencës telefonat për kontakt. Të paktën një muaj nuk do të lexohen as pikat matëse me çka shfrytëzuesit do të marrin fatura paushallë. Për sa kohë që janë vendosur masat, kompania nuk do të bëjë lidhje të re, përveç atyre që janë të patjetërsueshme të realizohen. Gjatë kësaj periudhe EVN Maqedoni nuk do t’i shkyçë klientët që nuk kanë paguar faturat e tyre.
