Lufta në Lindjen e Mesme ka shkaktuar tashmë një krizë globale energjetike, por zyrtarët tani paralajmërojnë se ajo mund të shkaktojë edhe një emergjencë ujore në të gjithë Gjirin.
Pas karburantit, uji po del si një objektiv strategjik dhe i prekshëm.
Sulmet e fundit iraniane ndaj shteteve të Gjirit — duke përfshirë sulmet me raketa dhe dronë pranë zonave industriale dhe infrastrukturës energjetike — kanë ngritur shqetësime se impiantet e desalinizimit mund të gjenden në qendër të zjarrit.
Sipas Komisionit Ekonomik dhe Social të OKB-së për Azinë Perëndimore, gati 40 milionë njerëz në gjashtë vendet e Këshillit të Bashkëpunimit të Gjirit, mbështeten në ujë të desalinuar.
Lindja e Mesme është një nga rajonet më të thata në botë, dhe shkripëzimi është thelbësor për ujin e pijshëm dhe bujqësinë në të gjithë Izraelin dhe Gjirin.
Ekziston frika se çdo goditje në termocentralet e energjisë do të ndërpresë menjëherë operacionet e desalinizimit, të cilat varen nga energjia e vazhdueshme.
Për më tepër, një ndërprerje e zgjatur mund të lërë miliona njerëz pa qasje të besueshme në ujë të pijshëm brenda orësh, jo ditësh.
Një shqetësim tjetër është se ndotja e ujërave të Gjirit – qoftë nga infrastruktura e dëmtuar, rrjedhjet e naftës apo aktiviteti ushtarak – do të ndikonte drejtpërdrejt në impiantet e desalinizimit, të cilat thithin ujë deti të patrajtuar nga Gjiri Persik./ Vatican News.
© SYRI.net
