Për dallim nga opozita që ka propozuar që zgjedhjet të mbahen për në janar, partia në pushtet, Lëvizja Vetëvendosje e ka propozuar 2 shkurtin si datë kur do të duhej të mbaheshin zgjedhjet e reja.
Kështu ka mësuar Gazeta Blic nga burime Brenda Lëvizjes Vetëvendosje.
Subjektet opozitare, Lidhja Demokratike e Kosovës, Partia Demokratike e Kosovës dhe Aleanca për Ardhmërinë e Kosovës, në takimin konsultativ që kishin mbajtur me presidenten Osmani, kishin propozuar datën 26 janar për mbajtjen e zgjedhjeve parlamentare.
Presidentja Osmani pas takimit që kishte pasur me liderët e subjekteve politike kishte pohuar se janë brenda afatit të konsultimeve dhe se ligji parashikon katër data të mundshme për zgjedhjet: 26 janar, 2 shkurt, 9 shkurt dhe 16 shkurt, pasi zgjedhjet mbahen vetëm të dielave.
