Kim Kardashian tregoi mesin e saj mbresëlënës të tendosur, gjatë një nate luksoze në Miami të premten.
Ajo u drejtua në restorantin ultra-luksoz japonez “Gekko” pasi pa debutimin triumfues të Lionel Messit me klubin e ri Inter Miami FC.
Kim u nis drejt restorantit e veshur një kostum të zi që vezullonte dhe shfaqte figurën e saj të lakmueshme të trupit, shkruan DailyMail.
Superylli 42-vjeçar nisi një sfidë për humbje peshe vitin e kaluar për t’u përshtatur me fustanin ‘Happy Birthday Mr. President’ të Marilyn Monroe për Met Gala.
Duke treguar frytet e punës së saj me një bluzë, ajo mori rrugën për në “Gekko” – i cili po ashtu ishte mikpritës atë mbrëmje për ish-të dashurin e sa motrës së saj, Khloe, Tristan Thompson.
Kim kishte veshur një bluzë me material PVC që përputhej me pantallonat e saj të zeza prej lëkure, gjersa mbante me vete një çantë dore të vogël kromi.
Ajo theksoi tiparet e saj të fytyrës me një makijazh të lehtë.
Ndërkohë Tristan, i cili ishte tradhtar në mënyrë serike me Khloen dhe ka dy fëmijë me të, tregoi bustin e tij me muskuj në një bluzë mahnitëse të dukshme.
Lojtari i NBA la disa nga butonat e tij të sipërm të zbërthyer në mënyrë magjepsëse mbi gjoksin e tij të skalitur, teksa kishte vënë edhe një gjerdan vezullues.
Khloe dhe Tristan u takuan në mënyrë sporadike midis viteve 2016 dhe 2021, pavarësisht se lidhja u godit nga skandalet e përsëritura të tradhtive të sportistit.
Në vazhdën e ndarjes së tyre të fundit, si dhe zbulimit se Tristan mirëpriti në jetë një fëmijë me një grua tjetër ndërsa ishte ende me Khloen, Khloe e përshkroi Kimin si ‘ndihmësen e saj në krizën e kësaj ngjarje’ gjatë një interviste për Cosmopolitan UK.
“Nëse ka ndonjë lloj drame, ju flisni me të për të”, tha Khloe. “Ajo thotë: ‘Ne do ta kuptojmë’. Ajo vjen me një plan – ajo është një magjistare e vogël”, tha Khloe referuar Kimit.
Ndërkohë Kim, e cila është tri herë e divorcuar, është përballur me një vorbull thashethemesh se ajo po takohet me Tom Bradyn, martesa e të cilit me Gisele Bundchen së fundmi u prish.
Spekulimet filluan me shpejtësi më 4 korrik, kur të dy morën pjesë në festën e të miliarderit Michael Rubin në Hamptons.
Por, megjithëse të dy u panë duke u dashuruar me një sërë emrash të theksuar, fillimisht u mendua se kishin pasur kontakte të pakta me njëri-tjetrin.
