Më 07.02.2026, rreth orës 23:10, në Gostivar, punonjësit e policisë nga Stacioni Policor i Gostivarit kanë privuar nga liria J.M. (49), për shkak të dyshimit të bazuar se ka kryer veprën penale “rrezikim i sigurisë”.
Paraprakisht, rreth orës 20:10, në Stacionin Policor të Tetovës, një grua 38-vjeçare ka denoncuar se bashkëshorti i saj J.M., me të cilin ndodhet në procedurë divorci, i ka drejtuar kërcënime serioze për jetën, dhe kjo në prani të fëmijëve të tyre të mitur.
Sipas kallëzimit, në incident është përfshirë edhe L.M., i cili dyshohet se e ka sulmuar fizikisht denoncuesen.
I dyshuari J.M. është ndaluar në stacionin policor, ndërsa policia po ndërmerr masa dhe veprime për zbardhjen e plotë të rastit dhe për dokumentimin e tij në koordinim me organet kompetente.
