Gjatë së shtunës, u raportua se kryeministri i Kosovës Albin Kurti, ishte kërcënuar gjatë qëndrimit të tij në Maqedoninë e Veriut.
Lidhur me rastin ka folur edhe vet Kurti.
Ai ka thënë se gjatë qëndrimit në Shkup, nuk është ndier i rrezikuar, por e ka parë se ka pasur shumë forca policore që u përkujdesën për mbledhjen e mbajtur në Shkup.
“Unë kam mësuar që ka shumë kërcënime nga individë e struktura të cilët kanë rrënjët në Beograd, por unë sapo erdha nga Shkupi këtu. Nuk jam ndier i rrezikuar, por kam parë se kishte shumë forca policore që u përkujdesën për mbledhjen e mbajtur në Shkup”, ka thënë Kurti.
Ndërkaq sot në mëngjes, në katër komunat veriore u raportua se janë hasur grafite me ngjyrat e flamurit serb.
Rreth këtyre dyja rasteve ka reaguar eksperti i sigurisë, Agim Musliu.
Musliu tha se “Perëndimi është në gjumë”.
“Gjersa, krejt Evropa dhe SHBA janë këtë vit në zgjedhje, e ndoshta edhe Kosova, Serbia tashmë s’e ka këtë hall, sepse i ka vjedhë zgjedhjet. Putini po siguron mandat jetësor!”, tha ai.