Katër persona ia “zbrazin” kamionin tetovarit – vjedhin 160 thasë me patate gjatë natës!

Screenshot

Policia i ngarkon katër persona nga Strumica, si të dyshuar se natën mes 28 dhe 29 nëntorit, kanë vjedhur 160 thasë me patate nga një kamion “Mercedes” me targa të Tetovës, në pronësi të K.S. nga fshati Reçicë e Epërme, njoftuan pasditen e sotme nga SPB Strumicë.

Sipas njoftimit, policia ka arrestuar J.A. (40), M.A. (34) dhe R.D. (31), të gjithë nga Strumica.

“Në ambientet e SPB Strumicë është thirrur edhe I.A. (38) nga Strumica, i cili gjithashtu dyshohet se së bashku me J.A., M.A. dhe R.D. e kanë kryer vjedhjen. Me të gjithë personat janë zhvilluar biseda zyrtare dhe ata e kanë pranuar veprën. Nga J.A. dhe M.A. janë konfiskuar 160 thasët me patate të vjedhura, të cilat janë kthyer te pronari,” thuhet në njoftimin e policisë.

Shtohet se për rastin është njoftuar prokurori publik nga Prokuroria e Strumicës dhe, pas dokumentimit të plotë të ngjarjes, ndaj personave do të ngrihet kallëzim përkatës.