Princesha e Uellsit Kate Middleton shënoi sot ditëlindjen e saj të 44-të duke postuar një video si pjesë e serisë “Nëna Natyrë”, në të cilën e falënderoi atë që i mbijetoi betejës së saj me kancerin.
Videoja “Winter”, pjesa e fundit e serialit njëvjeçar, tregon princeshën gjatë një shëtitjeje në mëngjes në Berkshires, pranë shtëpisë së saj në Windsor, ndërsa ajo përshkruan lidhjen e saj me natyrën dhe se si natyra e ka ndihmuar gjatë rikuperimit të saj me rrëfime personale, shkruan “Daily Mail”.
Në video, princesha flet për “frikën dhe lotët”, por edhe për mirënjohjen që ka mbijetuar dhe ka gjetur paqe përmes natyrës.
Pallati Kensington theksoi se seria “Nëna Natyrë” është një reflektim mbi fuqinë e natyrës dhe ndikimin e saj në shërimin dhe rritjen njerëzore, duke theksuar rëndësinë e ndërlidhjes – me veten, të tjerët dhe natyrën.
View this post on InstagramA post shared by The Prince and Princess of Wales (@princeandprincessofwales)
Princesha iu nënshtrua një operacioni në bark në janar 2024, pas së cilës iu nënshtrua kimioterapisë.
Në mars të të njëjtit vit, ajo njoftoi lajmin për diagnozën e saj, dhe në shtator njoftoi se kishte përfunduar trajtimin, ndërsa në janar 2025 njoftoi se ishte në remision, duke vënë në dukje se kthimi i saj në detyrat mbretërore do të ishte gradual.
Seria “Nëna Natyrë” botohet çdo tremujor dhe ndjek stinët, me episodin e ri të xhiruar edhe në Cumbria, Gloucestershire, Londër, East Sussex dhe Cotswolds.
© SYRI.net
