“Ka ngrënë grusht mami”, Roza Lati përlotet teksa kujton dhunën e ushtruar nga babai i saj në fëmijëri

Në rrjedhën e përditshme të jetës në shtëpinë e “Big Brother VIP Albania”, banorët shpesh ndajnë copëza nga jeta e tyre personale që shpalosin rrëfime të ndryshme dhe të thella.

Edhe pse spektakli ka tërhequr vëmendjen e publikut me argëtim dhe drama të pandërprera, momentet e reflektimit dhe të ndjeshmërisë nuk janë të rralla.

Roza Lati, një nga figurat që ka ngjallur interes të madh te publiku, sot ka zgjedhur të ndajë me banorin Julian Deda një pjesë të rrugëtimit të saj të fëmijërisë, duke rrëfyer një episod tronditës që ka ndikuar në formimin e saj. Në një bisedë intime, ajo ka rikujtuar një skenë të dhimbshme nga e kaluara kur babai i saj kishte ushtruar dhunë fizike ndaj nënës së saj.

Teksa ndante historinë e saj, Roza u shpreh se kishte qenë dëshmitare si babai i saj kishte reaguar me agresivitet ndaj nënës për një veprim të përditshëm, duke e goditur atë sepse kishte blerë një ibrik çaji pa e njoftuar paraprakisht.

Kjo sjellje e dhunshme kishte qenë kaq ekstreme saqë nëna e saj ishte detyruar të lëvizte “zvarrë nga kuzhina deri te dhoma e gjumit” ndërsa Roza e shikonte të ndodhte.

Ky kujtim e ka emocionuar aq shumë sa ka përlotur Rozën gjatë rrëfimit.

 

ARTIKUJ TË NGJASHËMMË SHUMË NGA AUTORI