Ish-kryeministri i Malit të Zi: Serbia priste që ne të vepronim si një dorë e zgjatur e Beogradit

Ish-kryeministri i Malit të Zi, Zdravko Krivokapiq, ka dhënë një intervistë për televizionin malazez “E”, ku pjesa më interesante ishte ajo që lidhej me pritshmëritë e qeverisë së Serbisë pas ndërrimit të pushtetit në Podgoricë.

Krivokapiq udhëhoqi qeverinë e parë pas rrëzimit të pushtetit të DPS-së, të udhëhequr nga Milo Gjukanoviq, qeveri që erdhi në pushtet me mbështetje të konsiderueshme nga partitë pro-serbe në Mal të Zi.

Megjithatë, siç pretendon tani Krivokapiq, ai iu kundërvu ndikimit të Beogradit në qeverinë malazeze.