Ministri i Jashtëm i Iranit, Abbas Araghchi, i ka hedhur poshtë kërcënimet ekonomike ndaj vendit të tij, duke thënë se të tilla “politika të dështuara” do të nxisin më shumë armiqësi tek iranianët dhe do të “sjellin më shumë dështime”.
Komentet e Araghchit janë bërë pak orë pasi presidenti amerikan, Donald Trump, ka kërcënuar me “masa ekonomike shkatërruese” kundër Iranit.
Trumpi ka premtuar “luftë ekonomike dhe izolim në një shkallë të paprecedentë”, por ka dhënë pak detaje.
Në një postim në rrjetet sociale, Araghchi ka pohuar se kërcënimet synojnë të largojnë vëmendjen e publikut amerikan nga problemet e brendshme financiare, duke shtuar se “terrorizmi ekonomik” i SHBA-së kërcënon ekonominë globale dhe sovranitetin kombëtar të vendeve anembanë botës.
