Simone Inzaghi ka falënderuar lojtarët e tij për një paraqitjen e jashtëzakonshme në fitoren e Interit 2-0 ndaj Benficas në çerekfinale të Ligës së Kampionëve, teksa ka refuzuar të kënaqet me kritikët.
Trajneri ishte nën presion të jashtëzakonshëm duke shkuar në këtë ndeshje, pasi kishte arritur vetëm një fitore në tetë ndeshjet e tij të fundit, por tregoi përsëri veten në skenën evropiane.
Benfica ishte e pamposhtur në Ligën e Kampionëve këtë sezon, por goli me kokë i Nicolo Barellas dhe penalltia e Romelu Lukakut vulosën fitore në Estadio da Luz.
Edhe pse rregulli i golave si mysafir nuk zbatohet më, kjo është një epërsi e madhe e Nerazzurrëve për ndeshjen e dytë më 19 prill në Giuseppe Meazza.
“Ishte një paraqitje e shkëlqyer me punë të palodhur, vrapim, vendosmëri dhe e shijojmë këtë mbrëmje, por gjithashtu e dimë se janë vetëm 90 minutat e para. Ne dolëm shumë mirë në të dyja fazat, duke i lejuar shumë pak Benficës. Djemtë ishin të jashtëzakonshëm, por ndeshja e dytë nuk mund të merret si e mirëqenë”, ka thënë fillimisht Inzaghi për Sky Sport Italia.
