Mediumi italian Tuttosport ka raportuar se Simone Inzaghi i ka dhënë prioritet Nico Paz për ta bërë argjentinasin transferimin e parë të Interi gjatë afatit kalimtar veror.
Sipas Tuttosport, Inzaghi është i etur për të punuar me Nico Paz sezonin e ardhshëm dhe i kanë dhënë prioritet transferimi të tij.
Nico Paz është njëri ndër lojtarët më të dalluar në Serie A pasi ka shënuar gjashtë gola dhe ka dhuruar pesë asistime në 25 ndeshje në kampionatin italian këtë sezon me Comon.
20-vjeçari iu bashkua klubit italian në mënyrë të përhershme nga Real Madridi verën e kaluar, por ata kanë opsionin për ta rikthyer në ekip atë në fund të sezonit ose në vitin 2026.
Trajneri i Real Madridit, Carlo Ancelotti, ka folur lartë për talentin argjentinas, por mbetet të shihet nëse ‘Los Blancos’ do ta aktivizojnë klauzolën e tij të lirimit në verë.
Nuk është një sekret që Interi e ka përcjellë Nico Paz nga afër këtë sezon, me zëvendëspresidentin Javier Zanetti, i cili ka biseduar me babain e lojtarit.
Kjo në fakt po cilësohet si një avantazh në bisedimet për transferimin e tij, pasi Zanetti ka qenë bashkëlojtar me babain e Paz, Pablo Paz në Kupën e Botës 1998.
