Pamje të reja satelitore të publikuara nga rajoni i Darfurit në Sudan tregojnë shkallën e gjenocidit dhe krimeve të kryera nga grupi paramilitar Forcat për Mbështetje të Shpejtë (RSF).
Siç dihej më parë, RSF mori nën kontroll këtë pjesë të Sudanit me mbështetjen e Emirateve të Bashkuara Arabe, ndërsa pamjet e krimeve dhe vrasjeve të civilëve të pafajshëm që vijnë nga ky rajon tronditën gjithë botën.
Laboratori për Kërkime Humanitare i Universitetit Yale ka publikuar pamje të reja satelitore nga ky rajon dhe ka njoftuar se ka vërejtur shumë “klastra” me ndryshim ngjyrash rreth tyre, që tregon edhe praninë e trupave të njeriut, raporton abcnews.
Hetuesi amerikan, Nathaniel Raymond, tha se së bashku me ekipin e tij në laboratorin kërkimor ka vërejtur një “shpërthim objektesh me madhësi midis 1,3 dhe 2 metrash që shtriheshin në gjithë tokën”, të cilat HRL Yale ka ardhur në përfundim se janë trupa njerëzish, për shkak të gjatësisë, formës dhe pamjeve të tokës që tregojnë vrasje sistematike të civilëve.
“Në Daraja Ouli, një vendbanim ku fshihen civilët, shohim një pozicion taktik mbi automjete që përputhet në masë të madhe me vrasjet shtëpi më shtëpi. Kjo përputhet edhe me pamjet video dhe dëshmitë e atyre që kanë mbërritur në Tawilu, veçanërisht të grave, të cilat thanë se RSF-i ndante burrat dhe pastaj dëgjonin të shtëna,” thanë ata.
Në periferi të El Fasherit, HRL Yale gjithashtu deklaroi se kanë vërejtur disa grupe trupash që kanë shfaqur midis 26 dhe 27 tetorit, gjë që përputhet me raportimet për vrasje civilësh gjatë tentativave për t’u arratisur.
Në perëndim të qytetit, përgjatë digës përreth tij, u vunë re të paktën gjashtë grupe, si dhe automjete teknike fqinje, të cilat nuk shiheshin në imazhet e 28 tetorit, duke sugjeruar se forcat RSF janë lëvizur, duke lënë pas grupe të mëdha trupash (shiko VIDEO).
“Pamë që të gjitha automjetet e Forcave të Armatosura Sudaneze largoheshin masivisht rreth në të njëjtën kohë. Kjo përputhet me raportimet që ata ikën gjatë natës, në atë që tani duket si një marrëveshje me Forcat për Mbështetje të Shpejtë, duke lënë civilët në Al-Fasher për të vdekur,” njoftuan hetuesit.
