Presidenti i Republikës së Shqipërisë, Ilir Meta përmes një fotoje të Qemal Stafës ka përkujtuar Ditën e Dëshmorëve të Atdheut.
Kreu i Shtetit shqiptar shkruan se në këtë ditë të shënuar duhet të përkujtohen të gjithë ata të rinj e të reja që dhanë jetën për lirinë e vendit.
“Sot është dita e Qemal Stafës dhe e mijëra të rinjve dhe të rejave, që dhanë jetën për Lirinë e Shqipërisë. Lavdi e përjetshme, nderim, respekt dhe mirënjohjen më të thellë Dëshmorëve të paharruar të Atdheut, të çdo epoke”, shkruan presidenti I Shqipërisë Ilir Meta.
