Sulmuesi kosovar, Vedat Muriqi po kalon një sezon fantastik te skuadra e Mallorca-s në La Liga dhe është bërë një nga lojtarët më të preferuar në Spanjë.
Gazeta e njohur spanjolle, Marca ka bërë një shkrim interesant në lidhje me shitjen e fanellave te klubi i Mallorca-s, transmeton Lajmi.net
Lojtari i Kombëtare së Kosovës është i dyti sa i përketë shitjes së fanellës me emrin e tij. Ai është bërë një lojtar i dashur për tifozët, sidomos kur i prinë listësë golashënuesve te kjo skuadër me 10 gola.
Kësaj liste i prinë futbollisti i Koresë së Jugut, Lee Kang-in. Madje lojtari korean mbledh shumë tifozë në stadiumin “Estadi Son Moix”.
I treti në këtë listë të kërkimeve të fanellave është kapiteni Abdon Prats. 30-vjeçari është pjesë e Mallorca-s që nga viti 2017./Lajmi.net/
