Ambasadori amerikan në Kosovë, Jeffrey Hovenier është pritur sot nga myftiu i Kosovës, Naim Tërnava, në Xhaminë e Madhe në Prishtinë për të shënuar Vitin e Ri Islamik.
Hovenier përmes një postimi në Twitter, ka thënë që me Tërnavën kanë diskutuar mënyrat se si “çdo kosovar të mund të adhurojë i lirë prej diskriminimit”.
“Respekti për trashëgiminë e ndryshme fetare dhe kulturore, është një ideal i dashur në çdo demokraci moderne – multietnike. Sot, isha i nderuar të shënoja Vitin e Ri Islamik me Myftiun Tërnava në Xhaminë e Madhe dhe të diskutoja mënyrat për të siguruar që çdo kosovar të mund të adhurojë pa diskriminim”, ka shkruar tutje ai.
