Hotelierët, të cilët prisnin që protokolli i punës të hynte në fuqi të hënën (22 qershor), seriozisht duhet t’i qasen zbatimit të duhur të të gjitha masave të këtij dhe të gjitha protokollet e tjera që lidhen me vendet e punës ose organizimin e konferencave, takimeve dhe llojet e tjera të trajnimit, apeloi sot kryetarja e Këshillit Inspektues, Magdalena Filipovska Grashkoska.
Ajo theksoi se të gjitha protokollet janë të rëndësishme kryesisht për mbrojtjen e shëndetit publik, mbrojtjen e mysafirëve dhe vizitorëve në hotele dhe mbrojtjen e personelit që punon në hotelet.
Me protokollin për funksionimin e ambienteve të akomodimit hotelerik (hotele dhe objekteve të tjera të akomodimit), parashikon procedura për pjesën e hotelit, procedurat e restorantit; përdorimi i ambienteve sanitare, rekomandimet e përgjithshme për mysafirët dhe rekomandimet për veprim në rast të simptomave me Kovid-19.
Siç informoi ajo, gjashtë inspektoratet në periudhën nga 10-16 qershor, realizuan 6.188 inspektime të jashtëzakonshme në lidhje me të gjitha aktet e miratuara të Qeverisë për parandalimin e përhapjes së koronavirusit.
“Inspektorët nga Inspektorati Shtetëror i Tregut kanë kryer 4.862 inspektime, pjesa më e madhe prej të cilave, pra 4.062 inspektime janë kryer me mbështetjen e policisë financiare ose anëtarëve të policisë dhe kanë të bëjnë me respektimin e protokolleve për hapjen dhe funksionimin e kafeneve dhe ambienteve hotelerike. ndërsa të tjerët i referohen kontrollit të respektimit të rregullores për çmimet e ngrira të produkteve të caktuara dhe vendosjen e rendit dhe disiplinës në hyrje dhe brenda ambienteve”, informon Filipovska Grashkoska.
Nga gjetjet specifike të inspektimeve në dyqanet me shumicë dhe pakicë, ambientet e hotelerisë, stacionet e benzinës, bankat, zyrat postare dhe dyqanet e basteve, inspektorët zbuluan nëntë shkelje të protokolleve, shtatë prej të cilave kanë të bëjnë me protokollin për hapjen dhe funksionimin e kafeneve dhe ambienteve të hotelerisë dhe katër në Shkup, një në Manastir, Strugë dhe
Tetovë dhe dy shkelje të protokolleve të bastoreve në Tetovë dhe Gostivar, për të cilat janë propozuar sanksione të përshtatshme penale dhe kundërvajtëse.
Një numër i parëndësishëm, ose gjithsej gjashtë shkelje në tregti u konstatuan, siç tha ajo, për mos përmbushje të vendimeve për mbrojtjen dhe rregullin personal ose për shkeljen e rregullave për çmimet e ngrira, gjë që u tregua personave juridikë dhe është vepruar menjëherë.
“Sa i përket javëve të para, ka përparim të veçantë në respektimin e protokolleve nga personat juridikë, por edhe vetëdijesim më të madh të qytetarëve dhe me kënaqësi e mirëpres këtë. Ju bëj thirrje që të vazhdoni në drejtimin e përputhjes së plotë me protokollet, mbi të gjitha në drejtim të mbrojtjes së shëndetit publik”, tha kryetarja e Këshillit Inspektues./MIA
