Haziri kritikon veprimin e Sveçlës: Shtëpia e Radoiçiqit duhet të shkatërrohet

Nënkryetari i LDK-së, Lutfi Haziri, deklaroi se shtëpia e kriminelit Milan Radoiçiq duhet të shkatërrohet, sepse është sinonim i së keqes.

Haziri tha se është bizare që në shtëpi të tilla ku ishte planifikuar krimi të shkojnë dy ministra të qeverisë, të hyjnë brenda e të shëtisin
Ajo është sinonim i diçkahit, nuk mund të bëhet as e imja e as e Kosovës, as e atyre ministrave. Ato vende shkulen, largohen nga aty se janë sinonim i së keqes. Është gabim të hyhet në atë objekt dhe të pasqyrohet diçka si triumfalizëm. Popujt kanë lapidare dhe simbolika të mëdha të triumfeve të luftërave të mëdha, por të shkohet si triumfalist me hy në një shtëpi terroristi, nuk është seriozë dhe nuk duhet të lejohet që një shtet i tërë të bie në narrativën e tillë”, tha nënkryetari i LDK-së, për Klan Kosova.

“Ka vende në botë që edhe nëse ka ndodhur me krim të organizuar diçka, i kanë zhbërë ato objekte”,theksoi Haziri.