Kryetari i AAK-së, Ramush Haradinaj, ka reaguar për sulmin që ka ndodhur sot ndaj ekipit të Klan Kosovës në Zupç.
Ai, me anë të një postimi në rrjetin social Facebook, ka shkruar se sulmet e tilla janë të patolerueshme.
“Dënojmë ashpër sulmet e vazhdueshme në veri të vendit ndaj gazetarëve dhe forcave të rendit, Policisë së Kosovës, KFOR-it dhe Eulexit. Këto sulme, sikur ky i sotëm ndaj gazetarëve të Klan Kosova, janë të patolerueshme dhe duhet që të ndalen menjëherë!”
“Njëherësh, kërkoj nga organet përgjegjëse të jenë më vigjilentë për të garantuar sigurinë fizike të gazetarëve, në mënyrë që t’iu mundësohet të punojnë të lirë nga kërcënimet. Sulmuesit të identifikohen dhe të dalin para drejtësisë!”,ka thënë Haradinaj, transmeton Klankosova.tv.
