BDI është gjunjëzuar. Dal ngadal po e pranon se nuk mund ta bëjë kryeministrin shqiptar dhe se premtimi i tyre ka qenë vetëm një gënjeshtër. E për të dalë nga “mjalti” në të cilin u futën deri në fyt duke kërkuar kryeministrin shqiptar, BDI, respektivisht sekretari i Përgjithshëm i saj, Artan Grubi, po tenton të kapet te Zijadin Sela.
Grubi ka deklaruar se rezultatet e zgjedhjeve në vendin tonë na shpallën fitues dhe në të gjitha zonat elektorale fituan BDI dhe Ali Ahmeti. Hapi i parë pas konfirmimit të fitores dhe shpalljes së rezultateve ishte vendosja e kontakteve me partitë politike parlamentare shqiptare për të bashkuar forcat në Kuvend dhe për të maksimizuar arritjet tona tha Grubi .
Ai u shpreh se në mënyrë deklarative, të gjitha partitë ranë dakord të mbështesin aspiratat kombëtare, përveç Zijadin Selë-s, megjithëse një ditë para zgjedhjeve, ai premtoi se do ta bënte këtë dhe do ta respektonte fituesin.
“Por unë besoj që pas përpjekjeve për tu zhveshur për humbjen e thellë dhe për të shmangur përgjegjësinë brenda partisë, ata gjithashtu do të reflektojnë – tha Grubi në intervistë.
Ai shton se atyre u duhet bashkimi shqiptar për të arritur qëllimet kombëtare.
– E vërteta është se ne kemi nevojë për bashkimin shqiptar për të arritur qëllimet kombëtare, dhe jo “thikat prapa shpinës” me faktin se këto palë do të ndalojnë të qëndrojnë prapa derës dhe të jenë plotësisht në dispozicion të palëve maqedonase u shpreh Artan Grubi .
