Ambasadorja e Gjermanisë në vend, Anke Holshtajn sot ka dorëzuar donacion për Ministrinë e Punëve të Brendshme në vlerë prej 660 mijë eurove. Gjermani ka dhuruar 22 makina për nevoja të MPB-së që kapin vlerën 370 mijë eurove, transmeton Alsat. Dhjetë makina janë të markës Dacia Duster ndërsa 12 të markës Ford Focus. Makinat do të përdoren nga Byroja për Siguri Publike, respektivisht nga policia kufitare. Ndërsa pajisjet kapin vlerën e 290 mijë eurove.
