Ka përfunduar vlerësimi i Batalionit të Lehtë të Këmbësorisë (LBB), në përputhje me Standardet e Vlerësimit të Komandës së Operacioneve të Përbashkëta të NATO-s për komandat dhe njësitë tokësore. Vlerësimi është kryer sipas procedurave dhe standardeve të NATO-s, në periudhën prej 04 deri më 08 prill në kazermën “Jane Sandanski” në Shtip dhe në poligonin “Krivolak” i përbërë nga 27 vlerësues, prej të cilëve 23 vlerësues të certifikuar nga NATO, me 16 ngjarje dhe 42 incidente të vlerësuara.
Sipas vlerësimeve nga vëzhguesit dhe drejtori i vlerësimit të gjitha aktivitetet e planifikuara, sipas listës së incidenteve, janë kryer në nivelin më të lartë profesional. Drejtori i ekipit kombëtar të vlerësuesve, kolonel Ivica Cvetkovski tha se Batalioni i lehtë i këmbësorisë si objektiv i NATO-s është në gjendje të kryejë misionin e saj.
“Mund të konkludoj se Batalioni i Lehtë i Këmbësorisë si objektiv i aftësisë së NATO-s, sipas standardeve për vlerësimin e gatishmërisë luftarake të forcave tokësore të Komandës së Përbashkët të Operacioneve të NATO-s, është në gjendje të kryejë misionin e tij“, tha Ivica Cvetkovski-kolonel, drejtor i Grupit të Vlerësimit.
