Kandidati për kryetar të Komunës së Gostivarit nga AKI, Valbon Limani, ka prezantuar masat e parapara në programin e tij për mbështetjen e të rinjve, vajzave dhe grave. Këto masa parashohin mbështetjen e nismave rinore me nga 60 mijë denarë, aq sa do të përfitojnë edhe vajzat dhe gratë për nismat e tyre të biznesit.
“Për çdo të ri dhe të re deri në moshën 30-vjeçare, Komuna e Gostivarit do të mbështesë standardet me nga 60 mijë denarë. Çdo vit do të përkrahim 30 nisma të reja rinore, duke investuar drejtpërdrejt në idetë, kreativitetin dhe guximin e të rinjve tanë. Zhvillimi i qëndrueshëm nuk mund të arrihet pa fuqizimin e grave. Çdo vit 30 vajza dhe gra do të përfitojnë nga 60 mijë denarë për nismat e tyre të biznesit.”, – deklaroi kandidati i AKI-së për kryetar të Gostivarit, Valbon Limani.
Limani njëherësh theksoi, se nëse e merr mandatin për ta drejtuar Gostivarin në zgjedhjet e 11 janarit, do ta vazhdojë edhe vendimin për ndarjen e 100 eurove për çdo familje me fëmijë të porsalindur.
