24 vjet më parë, me suksesin e parë në Kupën e Botës në Botërorin e organizuar në shtëpi (3-0 ndaj Brazilit), filloi dominimi i Francës në futbollin ndërkombëtar dhe sot, duke pritur finalen kundër Argjentinës dhe duke i hedhur një sy skuadrës së Deschamps, duket se ky dominim mund të zgjasë edhe për shumë vite të tjera. Katër finale në shtatë edicionet e fundit të Kupës së Botës (1998, 2006, 2018 dhe 2022), thuajse atë natë në Paris të 1998 francezët ia kishin hequr Brazilit rolin e kombëtares mbretëreshë.
Dhe atë natë në fushë, me shiritin e kapitenit në krah, ishte edhe Didier Deschamps, i cili falë suksesit kundër Marokut u bë trajneri i katërt i aftë për të shkuar në dy finale radhazi të Kupës së Botës pas Vittorio Pozzo (me Italinë, 1934 dhe 1938), Carlos Bilardo (me Argjentinën, 1986 dhe 1990) dhe Franz Beckenbauer (me Gjermaninë, 1986 dhe 1990) dhe tani synon rekordin e trajnerit italian, i vetmi që i fitoi të dy. Ish-mesfushori i Juventusit, duke fituar ndaj Argjentinës, do të arrinte edhe dy legjenda si Pelé dhe Zagallo (dy si lojtar dhe një si trajner) për numrin e Kupave të Botës të fituara (3).
Megjithatë, ka nga ata në këtë Francë që e kanë kaluar tashmë legjendën Pele, Kylian Mbappé, i cili në Katar është bërë lojtari që në moshën 24-vjeçare ka shënuar më shumë gola në një Botëror (9 kundër 7 të brazilianit) dhe i cili tani mund të synojë rekordin e Miro Klose, golashënuesi më i mirë ndonjëherë në Kupën e Botës me 16 gola. Sigurisht, rekordi që i intereson më shumë sulmuesit të PSG-së është ende i Peles, i vetmi lojtar, të paktën deri të dielën, i aftë të fiton dy kampionate botërore në moshën 24 vjeçare.
