Një raport mbi dhjetë teknologjitë më të reja në nivel global, u zbulua të martën gjatë Forumit Veror të Davosit 2026 në qytetin Dalian të Kinës Verilindore.
I botuar bashkërisht nga Forumi Ekonomik Botëror (WEF) dhe botuesi i kërkimit Frontiers, raporti identifikon teknologjitë kryesore që kanë më shumë gjasa të formësojnë industrinë, politikën dhe shoqërinë gjatë pesë viteve të ardhshme.
Sipas raportit, teknologjitë me ndikimin më të madh variojnë nga energjia e pastër e brezit të ardhshëm, materialet e përparuara dhe bioteknologjia, deri tek teknologjitë e inteligjencës artificiale dhe kuantike.
Foto nga CMG
Foto nga CMG
Zyrtarët e WEF vunë gjithashtu në dukje se Kina, me zinxhirin e saj të plotë industrial, do të vazhdojë të jetë një shtyllë e rëndësishme që nxit zhvillimin e këtyre teknologjive përmes partneriteteve të saj globale në rritje.
Viti 2026 shënon 20-vjetorin e bashkëpunimit të Forumit Ekonomik Botëror me Kinën. Forumi Veror i Davosit është një ngjarje e rëndësishme vjetore e WEF. Operacionet e mundësuara me inteligjencë artificiale dhe inovacioni me karbon të ulët, janë në qendër të vëmendjes së eventit të këtij viti.
