Fitimet e ndërmarrjeve industriale të Kinës mbi madhësinë e përcaktuar u rritën me 17.6 % në bazë vjetore gjatë shtatë muajve të parë të vitit 2026, sipas të dhënave të Zyrës Kombëtare të Statistikave të publikuara të enjten.
Këto ndërmarrje industriale me të ardhura vjetore kryesore prej të paktën 20 milionë juanë (rreth 2.95 milionë dollarë amerikanë) realizuan gjithsej fitime të përbashkëta prej 4.58 trilionë juanë në periudhën janar-korrik, sipas të dhënave.
Në tre sektorët kryesorë, fitimet në industrinë minerare u rritën me 34.9 për qind, ndërsa në manifakturë 18.8 për qind, duke arritur përkatësisht në 666.05 miliardë dhe afro 3.44 trilionë juanë. Megjithatë, fitimet në sektorin e prodhimit dhe furnizimit me energji elektrike, ngrohje, gaz dhe ujë ranë me 5.8 për qind, duke shkuar në 478.42 miliardë juanë.
Ndër industritë kryesore, sektori i prodhimit të pajisjeve kompjuterike, pajisjeve të komunikacionit dhe pajisjeve të tjera elektronike pati një rritje të fitimeve në masën prej 110 për qind. Shkrirja dhe përpunimi i metaleve me ngjyra, prodhimi i lëndëve të para dhe i produkteve kimike dhe nxjerrja e larja e qymyrit u shtuan përkatësisht me 91.8 për qind, 56.6 për qind dhe 50.4 për qind. Nga ana tjetër, sektori i përpunimit të naftës, përpunimit të qymyrit dhe të lëndëve të tjera djegëse kaloi nga humbjet në fitime.
Të dhënat e Zyrës Kombëtare të Statistikave treguan gjithashtu se në shtatë muajt e parë, të ardhurat e përbashkëta të këtyre ndërmarrjeve industriale arritën në 80.92 trilionë juanë, me një rritje prej 6.5 për qind në bazë vjetore, ndërsa kostot operative u shtuan me 5.9 për qind, duke arritur në 68.79 trilionë juanë.
