Dëshmoi edhe një herë talentin e tij për vallëzim.
Kryetari i Mitrovicës së Jugut, Agim Bahtiri, jo rrallë herë ka treguar se di të kërcejë shumë mirë nën tingujt e muzikës popullore shqipe.
Madje, tashmë njerëzit e dinë këtë talent të politikanit që shpesh është në qendër të vëmendjes për deklaratat e tij.
E sot duket se për Agim Bahtirin nisi “sezoni i dasmave”, që Kosovës i ka munguar shumë për shkak të pandemisë COVID-19.
Pasi e lutën pak, i pari i Mitrovicës së Jugut ia hodhi valles nën ritmin e surleve e daulleve në ceremoninë e përurimit të rrugës kryesore të asfaltuar për në fshatin Kovaçicë të Shalës së Bajgorës.
Këtë moment e kapi kamera e Klan Kosovës, prandaj vallëzimin e Agim Bahtirit mund ta shihni në videon e mëposhtme.