Ministri i Shëndetësisë Venko Filipçe në konferencën e sotme për shtyp njoftoi se gjatë mëngjesit të sotëm është paraqitur një rast i dyshimtë për koronavirus, i njëjti person ka mbërritur në vend nga Italia me 22 shkurt dhe po testohet. Filipçe gjithashtu njoftoi për dy punëtorët nga Bullgaria të cilët po testohen në Manastir. Ministri gjithashtu njoftoi se numri i përgjithshëm i të sëmurëve në Evropë ka arritur në 774 ku 650 janë nga Italia dhe në bazë të këtyre shifrave, Qeveria do të mbajë mbledhje të jashtëzakonshme ku do të vendoset për ndalimin e tubimeve publike si masë preventive.
