Ministri i Shëndetësisë, Venko FIlipçe në paraqitjen e tij të sotme njoftoi se këtë javë përveç vaksinave javore që vijnë nga Pfizer, pritet të vijnë edhe 70 mijë doza të vaksinave kundër koronavirusit, që janë donacion nga Bullgaria dhe Greqia, transmeton Alsat.
“Këtë javë pritet të vijnë 70 mijë vaksina. 50 mijë nga Bullgaria dhe 20 mijë nga Greqia, me siguri vaksina nga AstraZeneca, por ende nuk kemi konfirmim për llojin e vaksinës, si dhe ato që vijnë rregullisht çdo të hënë nga vaksinat e Pfizer. Presim edhe sasinë e madhe të vaksinave kineze, për të cilat nuk kemi datë të saktë”, njofoti Filipçe.
