“Në terren në vendbanimin Kamjan ku kemi pasur sërish rrëshqitje të dheut që kanë shkaktuar dëmtime në gypin e ujësjellësit”, ka shkruar kreu i komunës së Bogovinës Feti Abazi, duke theksuar se në kordinim të plotë me drejtorin e ndërrmarjes Ilir Nurishin, kanë arritur të sanojnë dëmin, e të rikthejnë ujin për banorët e këtij fshati.
“Si Komunë, në koordinim të plotë me Ndërmarrjen Komunale, kemi ndërhyrë menjëherë dhe kemi arritur të sanojmë dëmin, duke rikthyer furnizimin e rregullt me ujë për banorët.
Ekipet tona mbeten të angazhuara dhe në gatishmëri të plotë për të monitoruar situatën dhe për të ndërhyrë kudo që paraqitet nevoja, me qëllim sanimin e të gjitha dëmeve të shkaktuara nga reshjet e mëdha të shiut”, ka përfunduar, Abazi.
