Kryetari i një komisioni hetimor të mandatuar nga OKB-ja ka thënë se krimet e luftës kanë ndodhur në Ukrainë.
“Bazuar në provat e mbledhura nga komisioni, ka arritur në përfundimin se krimet e luftës janë kryer në Ukrainë”, tha Erik Mose.
Fëmijët janë përdhunuar, torturuar dhe burgosur në mënyrë të paligjshme, shtoi Mose.
“Ne u ‘goditëm’ nga numri i madh i ekzekutimeve në zonat që vizituam. Komisioni aktualisht po heton vdekje të tilla në 16 qytete dhe vendbanime”, shtoi ai.
Ekipi i tij ka marrë dhe po dokumenton “akuza të besueshme në lidhje me shumë raste të tjera ekzekutimesh”.
Komisioni do të shqyrtojë më pas transferimet e supozuara të detyruara dhe birësimet e fëmijëve.
Siç bëhet e ditur, komisioni ka qenë duke hetuar në Kiev, Chernihiv, Kharkiv dhe Sumy. Ka vizituar 27 lokacione dhe ka intervistuar më shumë se 150 viktima dhe dëshmitarë. Komisioni ka shqyrtuar gjithashtu dy incidente të keqtrajtimit të ushtarëve rusë nga forcat ukrainase.
