Cristiano Ronaldo u bë viral të shtunën për reagimin e tij ndaj një fëmije të vogël, pasi ky i fundit i tha se Lionel Messi është lojtar më i mirë. Incidenti ndodhi pas ndeshjes së Al Nassr të premten, në të cilën ata arritën një fitore me rikthim kundër Al Baten.
Ronaldo, 38 vjeç, u nis për në dhomat e zhveshjes pas fitores 3-1 dhe një djalë bërtiti: “Messi është shumë më i mirë”.
Ylli portugez me sa duket e injoroi fëmijën dhe thjesht bërtiti për mënyrën sesi ndeshja u zhvillua.
“Dhe kjo ishte loja e lehtë”, tha Ronaldo.
Disa media kanë raportuar se CR7 i ka duartrokitur fëmijës duke i thënë të shkonte të shikonte Messin, gjë që nuk është kështu.
