Varrimi i të vrarit sot në Ferizaj, Gazmend Hyseni, do të bëhet nesër në ora 13:30 te varrezat e qytetit në Ferizaj.
Kështu ka njoftuar një familjare e të ndjerit.
Fitore Hyseni Topalli, ka shpërndarën njoftimin nëpërmjet rrjetit Facebook.
“NJOFTIM: Të Allahut jemi, tek ai do kthehemi. Ju njoftojmë se varrimi i të ndjerit Gazmend Hyseni bëhet nesër në kohen e drekës në ora 13:30 tek varrezat e qytetit”, ka shkruar ajo.
I ndjeri Hyseni ishte 30 vjeç. Ai vdiq sot si pasojë e plagëve të marra, pasi u qëllua shtatë herë me armë nga një person tjetër në Ferizaj në orët e para të së shtunes.
