Kostoja e jetesës në Maqedoninë e Veriut vazhdon të rritet, dhe të dhënat e fundit nga Enti Shtetëror i Statistikave tregojnë se inflacioni në tetor arriti në 3.3 përqind në bazë vjetore. Krahasuar me shtatorin, çmimet u rritën me 0.4 përqind, me ushqimin, veshmbathjen dhe disa shpenzime themelore shtëpiake që u rritën përsëri në çmim.
“Inflacioni i matur nga indeksi i çmimeve të konsumit në tetor 2026, krahasuar me shtatorin 2026, është 0.4%,” thonë nga Enti Shtetëror i Statistikave, përcjell “Faktor”.
Ushqimet dhe pijet joalkoolike u rritën në çmim me 0.7 përqind në tetor krahasuar me muajin e kaluar, ndërsa krahasuar me të njëjtën periudhë të vitit të kaluar, çmimet e tyre janë 2.1 përqind më të larta. Një rritje prej 0.3 përqind në bazë mujore u regjistrua edhe në kostot e strehimit, ujit, energjisë elektrike, gazit dhe lëndëve të tjera djegëse, një kategori që shënoi një rritje vjetore prej 3.7 përqind.
Veçanërisht të rëndësishme janë të dhënat për transportin, ku çmimet u rritën me 9.5 përqind krahasuar me tetorin e vitit të kaluar, që përfaqëson rritjen më të madhe vjetore midis kategorive kryesore të shpenzimeve të jetesës. Në të njëjtën kohë, në tetor transporti shënoi një rënie mujore të çmimeve prej 0.3 përqind.
