Ylli i “Barbie”, Margot Robbie fitoi respektin e plotë të aktorit veteran të Hollywoodit, Eric Roberts, kur ata filmuan një skenë të ndërlikuar për filmin “Babylon”.
Megjithatë, ai u trondit kur zbuloi se skena, të cilën ata duhej ta rixhironin disa herë, ishte shkëputur nga filmi.
Roberts – i cili ka luajtur në mbi 600 filma – u shfaq në “Babylon” si biznesmeni i dehur Robert Roy, vajza e të cilit Nellie LaRoy, e luajtur nga aktorja australiane Margot, kishte ëndrra të bëhej yll.
Është sigurisht një përrallë e çuditshme me disa nga momentet më të egra, duke përfshirë Roy (Roberts) duke u ballafaquar me një gjarpër dhe Nellie (Robbie) duke u kafshuar nga zvarraniku.
Pa dijeni për të tjerët, kishte një skenë tjetër që aktori i “Dark Knight” me të vërtetë shpresonte se do t’ia dilte.
“Ata e prenë historinë tonë në Babylon”, tha 67 vjeçari.
“Ne kishim një histori, kishim skena ku unë gatuaj dhe ajo vrapon lakuriq”, zbuloi ai.
“Ka një skenë ku ajo fitoi respektin tim të plotë si aktor, teknikisht, ne patëm një skenë ku unë po drejtoj një makinë të vitit 1918 në një rrugë shumë të gjatë, ajo është në një mur pranë rrugës duke ecur mbrapsht zbathur me një këmishë mashkulli duke mbajtur një martini dhe ne po bënim dialog në ato momente”.
“Po flasim, unë jam duke vozitur, ajo po ecën mbrapa dhe është një skenë shumë e gjatë. E bëmë katër herë”, shtoi mes tjerash ylli i filmit.
Roberts, vëllai i madh i ikonës së “Pretty Woman”, Julia Roberts, nuk kishte veçse lëvdata për Margot, 33 vjeçe, e cila ‘e bënte atë në mënyrë perfektë çdo herë’.
