Presidenti turk, Recep Tayyip Erdogan, ka thënë se lufta në Iran duhet të ndalet përpara se ajo “t’i vërë flakën të gjithë rajonit”.
“Nëse diplomacisë i jepet një shans, është vërtet e mundur të arrihet (paqja)”, ka thënë Erdogani në një fjalim para ligjvënësve të partisë së tij në pushtet.
Ai ka shtuar se Turqia po vazhdon me përpjekjet për t’i rikthyer palët në tryezën e negociatave.
NATO-ja ka rrëzuar në dy rastë dronë dhe raketa iraniane që kishin shkelur hapësirën ajrore të Turqisë, ka bërë të ditur Ankaraja zyrtare.
Teherani zyrtar e ka mohuar se kishte shënjestruar Turqinë.
