Presidenti turk Rexhep Taip Erdogan planifikon që këtë javë të zhvillojë bisedë telefonike me liderin rus Vladimir Putin, ndërsa temë e bisedës pritet të jetë situata në centralin bërthamor në Zaporozhje dhe kriza në Ukrainë, deklaroi një burim diplomatik për RIA Novosti.
Ai tha se Turqia vazhdon ta përmbushë rolin e saj të nderuar si ndërmjetësuese në konflikt si i vetmi vend që e ka fituar besimin e të dyja palëve.
Erdogan paraprakisht ka deklaruar se ka për qëllim të bisedojë me Putinin për rezultatet e bisedimeve të tij të fundit me presidentin ukrainas Volodyimir Zelenski dhe Sekretarin e përgjithshëm të OKB-së Antonio Guteresh në Lviv, si dhe t’i kërkonte liderit rus të marrë masa konkrete për të zgjidhur situatën në centralin bërthamor Zaporozhje.
