Agjencia evropiane për ilaçe (EMA) kumtoi se i vlerëson të dhënat për dozën e tretë ose përforcuese të vaksinës Fajzer/Biontek kundër Kovid -19, e cila jepet gjashtë muaj pas dozës së dytë tek njerëzit mbi 16 vjeç.
Lidhur me kërkesën e Biontek, EMA njoftoi se do të bëjë një vlerësim të shpejtë të të dhënave dhe rezultati pritet “në javët e ardhshme”.
Kompania amerikane Moderna njoftoi të premten se ka kërkuar miratim me kusht nga EMA për dhënien e vaksinës së koronavirusit në një dozë prej 50 mikrogramë.
Në kumtesën e Moderna-s thuhet se përgjigja e EMA-s ishte e pritshme brenda një kohe të arsyeshme.
Vaksinat Moderna dhe Fajzer me dy doza bazohen në teknologjinë e re mRNA.
EMA gjithashtu tha se po vlerësonte të dhënat mbi përdorimin e dozave shtesë të vaksinave të mRNA tek njerëzit me sistem imunitar të dobësuar.
Qendra evropiane për parandalim dhe kontroll të sëmundjeve (ECDC) tha javën e kaluar se nuk kishte nevojë urgjente për vaksina përforcuese kundër Covid-19 tek njerëzit që ishin vaksinuar plotësisht.
