Dy kandidaturat për ministra nga radhët e BDI-së nga Shkupi, Artan Grubi dhe Bujar Osmani ka ngjallur reagime të shumta në strukturat partiake të BDI-së në Degët e Shkupit. Degët e BDI-së Shkup, në Saraj dhe Cair, në shenjë revolte nuk kanë marë pjesë as në mbledhjen e Këshillit të Përgjithshëm, ku janë caktuar ministrta e rij, njoftojnë burime partiake.
Burime nga BDI-ja në Cair dhe Saraj, thonë se ka pakenaqësi të mëdha për emërimin e tyre pa u konsultuar nga asnjë Degë e BDI-së në Shkup.
“Nëse Artan Grubi dhe Bujar Osmani, kanë ndërgjegje dhe moral politik dhe nëse respektojnë votuesit e Shkupit, ata duhet të japin dorëheqje. Paknaqësitë dhe reagimet janë të mëdha dhe të shumta, nga struktura dhe nga aktivistë partiak. Ky veprim dëmton rëndë BDI dhe demotivonë aktivin politik të Shkupit.
Ata, që kanë bartur aktivitetin zgjedhorë dhe që janë zgjedhur, nuk janë përfilluar për konsultime. BDI-Cair dhe BDI-Saraj, ju bëjnë thirrje Grubit dhe Osmanit, të respektojnë votuesit dhe aktivin politike dhe të reflektojnë duke refuzuar të pranojnë këto funksione”, thonë burime nga BDI-ja e Shkupit.
Rrikujtojmë se bartës liste në Njesin Zgjedhore një ka qenë Izet Mexhiti ndërsa pas tij Dr. Arben Ziberi, ku BDI grumbulloi 19 600 vota, ndërsa në nivel të Shkupit BDI-ja fitoi gjithsej 30 mij vota.
