Kryeministri i Shqipërisë Edi Rama, pranon se nuk mund të ndalojnë ikjen e të rinjve nga Shqipëria.
Ai në një intervistë për Der Spiegel ka thënë se një gjë e tillë po ndodh edhe në vende tjera të Evropës.
“Si mund t’i ndaloj unë si qeveri e një vendi në zhvillim, kur vendi më i zhvilluar i Evropës është vetëm një orë e gjysmë larg? 50 000 portugezë largohen nga vendi i tyre çdo vit, 500 000 kroatë janë larguar nga vendi i tyre që kur vendi u bashkua me BE.”, ka deklaruar Rama.
Ndërkohë ai jep një propozim për pensionistët gjermanë.
“Shqipëria është një nga vendet më të sigurta në botë. Shkalla jonë e krimit është më e mirë se Britania e Madhe, Greqia apo Italia dhe sigurisht SHBA, me një nga normat më të ulëta të vrasjeve në Evropë. Industria e turizmit duhet të investojë sepse natyra dhe brigjet të lënë pa frymë. Dhe pensionistët gjermanë duhet të vijnë këtu për të kaluar pleqërinë e tyre buzë detit. Sipas një thënieje të vjetër, “shtëpia e shqiptarit është e Zotit dhe e mikut”.”, ka thënë Rama ndër tjerash për Der Sipegel.
