Një e diel me shi shënoi përvjetorin e dytë të një bllokimi të paprecedentë të COVID-19 në qytetin qendror kinez të Wuhanit, ku u zbulua për herë të parë virusi.
23 janari 2020 ishte dita kur media shtetërore kineze njoftoi se qyteti do të mbyllte fluturimet dhe trenat në dalje, në një përpjekje për të ndaluar përhapjen e një virusi të ri që kishte vrarë 17 njerëz dhe kishte bërë qindra të tjerë të sëmureshin.
Atë ditë, Organizata Botërore e Shëndetësisë tha se sëmundja virale nuk ishte ende një emergjencë shëndetësore globale, por “mund të bëhet ende një e tillë”.
Që atëherë, Kina ka pasur një politikë “zero tolerance” të testimit masiv dhe bllokimeve të ngjashme në shkallë qyteti për të frenuar përhapjen e COVID-19. Shpërthimet e mëdha kryesisht janë mbajtur larg, shkruan AP, transmeton Klankosova.tv.
Aktualisht, tre qytete kineze janë nën izolim: Xi’an, Anyang dhe Tianjin, me njëzet milionë njerëz të mbyllur në shtëpitë e tyre në fillim të janarit.
Komisioni Kombëtar i Shëndetësisë ka raportuar gjithsej 4,636 vdekje nga virusi gjatë dy viteve të fundit.
