Dy gra, të moshës 35 dhe 24 vjeç, kanë pësuar djegie të rënda gjatë një feste familjare në një shtëpi në Shkup.
Rasti është paraqitur në polici pas mesnatës, rreth orës 00:30, kur dy gratë janë dërguar në Qendrën Urgjente të kompleksit klinik „Nënë Tereza“ me lëndime të rënda trupore nga djegiet.
Sipas njoftimit të MPB-së, ngjarja ka ndodhur në shtëpinë në pronësi të nënës së njërës prej të lënduarave.
Policia ka kryer ekspertizën në vendngjarje, ndërsa po punohet për zbardhjen e plotë të rrethanave të incidentit.
