Karriera e Dua Lipës filloi të merrte hov në vitin 2017 me publikimin e albumit të saj të parë debutues me titull ‘Dua Lipa’, por një valë e talljeve shkaktuan dëm në shëndetin e saj mendor, shkruan Daily Mail, transmeton lajmi.net.
Pop-ylli 25-vjeçare u bë virale në vitin 2018 me një video të performancës së saj të kërcimit që tallej vazhdimisht dhe shndërrohej në meme të ndryshme.
Këngëtarja foli haptas në lidhje me videon virale në intervistën e saj për kopertinën e “Attitude Magazine:, ku pranoi se ajo kishte probleme me shëndetin e saj mendor.
“Unë e kam provuar si ngacmimin kur publikova albumin tim të parë dhe ishte padyshim diçka që më dha ankth dhe më bëri të mërzitem dhe më bëri të ndjehem sikur nuk isha mjaft e mirë dhe më bënte të ndihesha si: ‘Mbase nuk jam menduar mirë për të qenë këtu dhe në skenë’”, zbuloi këngëtarja.
Edhe pasi videoja e vallëzimit u bë virale, këngëtarja fitoi “Grammyn” e saj të parë për “Artisten e re më të mirë” dhe “Këngën më të mirë ritmike 2019″, megjithëse kishte akoma disa që dyshuan në të.
“Edhe pas Grammyt, disa njerëz ishin si:” Epo, ajo nuk e meriton atë, “shtoi ajo.
Dua mendoi se një video i dha asaj një reputacion të keq, ndërsa të tjerët filluan të vinin në dyshim praninë e saj në skenë.
“Kishte kaq shumë gjëra, veçanërisht kur fillon, si një video me mua duke kërcyer dhe ata janë si: ‘Ah mirë, ajo nuk ka asnjë prani skenike’, por ata kurrë nuk do të kishin qenë në një nga shfaqjet e mia, ata nuk më kanë parë të interpretoj’”, shtoi artistja.
Dua Lipa thotë se tani është mirë, por në atë kohë i shkaktoi probleme në shëndet mendor.
Albumi i saj i dytë “Future Nostalgia” u publikua në mars dhe fitoi një vlerësim të gjerë nga kritikët e muzikës. /Lajmi.net/
