Ndërsa Kamala Harris duket e gatshme të zëvendësojë Joe Biden si kandidatja e re nga radhët e demokratëve për president të SHBA-së, një lidhje mes saj dhe Donald Trump ka ngjallur interes: kandidati i republikanëve dikur financoi fushatën e Harris e cila ka shërbyer si prokurore e përgjithshme e Kalifornisë.
Bëhet e ditur se nga viti 2011 deri në vitin 2013, Trump dhuroi 6,000 dollarë për fushatën e Harris, me Ivankën që dhuroi gjithashtu 2,000 dollarë të tjerë në vitin 2014.
Lajmet për financimin e fushatës së Harris filluan të qarkullojnë në vitin 2020 kur ajo po kandidonte si zëvendëspresidente e Bidenit.
Kontrolli i fakteve i USA TODAY e hulumtoi pretendimin dhe e vlerësoi atë si të vërtetë, duke vënë në dukje:
“Megjithëse Donald Trump ka një histori komentesh tallëse për Harrisin që nga marrja e detyrës, të dhënat e kontributit politik, të shqyrtuara nga USA TODAY në faqen e internetit të Sekretarit të Shtetit të Kalifornisë tregojnë se ai dhuroi 5,000 dollarë gjatë fushatës së saj si prokurore e përgjithshme në vitin 2011 dhe 1,000 dollarë në vitin 2013. Ivanka Trump kontribuoi me 2,000 dollarë në vitin 2014 për rizgjedhjen e Harris”.
