Një automjet i llojit “Volkswagen” me targa 02 – 626 – FL, është djegur mbrëmë rreth mesnatës në Leposaviç. Dëmet janë vetëm materiale.
Burime të KosovaPress-it bëjnë të ditur se ngjarja lidhet me regjistrimin e automjetit në targa RKS ditën e djeshme dhe se automjeti është djegur qëllimshëm nga autorë deri tani të panjohur.
Këtë e ka konfirmuar edhe zëdhënësi i policisë për rajonin e veriut, Branisllav Radoviç.
Një ditë më parë në Leposaviç ishte djegur automjeti i një efektivi policie gjithashtu.
Vendimi i Qeverisë së Kosovës për targat konsiston në riregjistrimin e automjeteve që përdorin targa të lëshuara nga Serbia.
Vlerësohet se 10.000 targa me akronime të qyteteve të Kosovës – sikurse PZ, KM, PR, UR e të ngjashme – qarkullojnë në veriun e banuar me shumicë serbe.
