Angel Di Maria ende nuk ka një marrëveshje me skuadrën e Juventusit për një transferim të tij në verë.
Kjo situatë i leverdisë më së shumti Barcelonës së Xavi Hernandezit që janë të interesuar për shërbimet e lojtarit.
Sipas asaj që bën të ditur eksperti i çështjes së transferimeve, Fabrizio Romano, Xavi e ka kontaktuar lojtarin për një lëvizje të mundshme të tij në “Camp Nou”, pyetje për të cilën nuk ka marrë ende përgjigje.
Argjentinasi dëshiron kontratë njëvjeçare, diçka të cilën Barça mund t’ia ofrojë.
Këto ditë pritet të mësohet zgjedhja e lojtarit rreth asaj se ku do të vijojë ai.
